21-22 ліпеня ў АСК «Брэсцкі» праходзіць матчавая сустрэча па лёгкай атлетыцы сярод каманд Саюзнай дзяржавы.
Знакавая падзея, прымеркаваная да 80-годдзя Перамогі ў Вялікай Айчыннай вайне, сабрала маладых і таленавітых спартсменаў з Беларусі і Расіі.

На трыбунах сярод заўзятараў калектыў дзяржаўнага прадпрыемства»Брэствадаканал".

Падтрымаем спартсменаў разам! Хай пераможа наймацнейшы!

3 ліпеня беларускі народ адзначыў галоўнае нацыянальнае свята-Дзень незалежнасці-і 81-ю гадавіну вызвалення Беларусі ад нямецка-фашысцкіх захопнікаў.

Рашэнне аб святкаванні Дня Незалежнасці 3 ліпеня, у дзень вызвалення сталіцы Беларусі ад нямецкай акупацыі, было прынята падчас рэспубліканскага рэферэндуму ў 1996 годзе. З тых часоў свята сімвалізуе мужнасць і адвагу, мір і стабільнасць, пераемнасць пакаленняў. У гэты дзень традыцыйна аддаюць даніну павагі гераізму і доблесці франтавікоў і працаўнікоў тылу, партызан і падпольшчыкаў, усіх тых, хто прынёс свабоду беларускаму народу.

У жыцці кожнай дзяржавы ёсць асаблівыя даты, якія становяцца кропкай адліку новага этапу гісторыі. Для Беларусі такой вяхой стала вызваленне сталіцы нашай Радзімы ад фашысцкіх захопнікаў-Дзень Незалежнасці Рэспублікі Беларусь (Дзень Рэспублікі).

Гэтую лёсавызначальную дату замацавалі ў нашым календары, абапіраючыся выключна на меркаванне беларускіх грамадзян. Гэта выбар нашага народа: на рэспубліканскім рэферэндуме 24 лістапада 1996 г.за перанос Дня Незалежнасці на 3 ліпеня прагаласавала 88,18% беларусаў.