У Беларусі з 1 жніўня ўстаноўлены новыя памеры мінімальных спажывецкіх бюджэтаў (МСБ) для розных сацыяльна-дэмаграфічных груп.

З 1 жніўня па 31 кастрычніка 2020 года МСБ у разліку на месяц складзе:

Br413,1 * - на аднаго члена маладой сям'і з чатырох чалавек;

Br446,97 - на аднаго члена маладой сям'і з трох чалавек;

Br522,13 - для працаздольнага насельніцтва;

Br404,52 - пенсіянераў;

Br344,25 - дзяцей ва ўзросце да 3 гадоў;

Br447,3 - дзяцей ва ўзросце ад 3 да 6 гадоў;

Br449,28 - дзяцей ва ўзросце ад 6 да 18 гадоў.

* На 1,75% перавышае нарматыў, які дзейнічае з 1 мая па 31 ліпеня бягучага года (Br406,04).

Сярэднедушавы МСБ сям'і з чатырох чалавек служыць асновай для вызначэння права грамадзян на атрыманне льготных крэдытаў і субсідый на будаўніцтва (рэканструкцыю) або набыццё жылых памяшканняў, а таксама для вызначэння іншых сацыяльных стандартаў.

Крыніца: пастанова Міністэрства працы і сацыяльнай абароны ад 22 лiпеня 2020 года №68.