25 лютага ў Беларусі завяршыліся выбары дэпутатаў ніжняй палаты парламента і мясцовых саветаў. Яўка да іх закрыцця склала 72,98 працэнта, паведаміў кіраўнік ЦВК рэспублікі Ігар Карпенка. Падчас выбарчай кампаніі ніякіх надзвычайных сітуацый і пытанняў, якія маглі б паўплываць на правядзенне выбараў, на свабоду волевыяўлення грамадзян, не з'явілася.

26 лютага адбылося пасяджэнне Брэсцкай гарадской выбарчай камісіі, на якім падведзены вынікі выбараў дэпутатаў у Брэсцкі гарадскі савет дэпутатаў. Камісіяй выбары прызнаныя адбыліся і прынята рашэнне аб зацвярджэнні іх вынікаў.